Burgersdorp Hoërskool - High School
Kontak nommer = (051)653-1715 : Kerk Straat, Burgersdorp, 9744
Hoërskool Burgersdorp Musical - 17 Oktober 2008
En toe breek die aand uiteindelik aan…! Hemde en rompe word klaargemaak, T-hemde word gekoop en die grimering staan gereed. Dis 8 & 9 Oktober, DIE MUSICAL! en almal skarrel!
Die verhoog is donker en die lig val op die verteller:
“there is always a dream dreaming us”
Without our stories, without our songs, we have no home. So come, join us, the beer is brewed, the fire is warm - Let us chase away the darkness together.
Die Graad 10 dogters verskyn op die verhoog met hulle lied: Many years ago - This is our world beneath this arch of sky, where eagles wheel and fly. Here where our fathers lie, this is our world.
Hierna volg Swinging Moon, Insect Song en The Hare’s Lament deur die Graad 11 seuns en Graad 9 dogters en seuns. Die haas is die verwaande een met: Comparisons are Oedipus, but take a look at me. My intellect outmensa’s mensa! I know the ABD!
Die Graad 8 seuns en dogters het hulle lied opgedra aan mnr. Dawie Minnaar, om voor die handliggende redes! Aikona! Here’s to him, he lacked that certain something and his future looks grim. Aikona! Just his luck - he world first bachelor ‘cos he wouldn’t swim!
Die melankoliese wiegeliedjie, Mama Rain, deur die Graad 9 dogters hat almal aangeraak.
See the children asleep, dreaming their dream
What does the world seem like to them?
Please come again, Mama Rain.
Die Graad 12 klas het die moeilike taak gehad om die legende van Nonqawuse oortuigend oor te dra.
Among our stories, sometimes legend becomes truth
And truth the stuff of which legends are made
Once upon a time there was a young girl of the red blanket people - a Xhosa girl called Nonqawuse. Look at her sitting by the peaceful waters of a deep pool near the river called Gxaga. She hears something no one else is able to hear - something more than the wind rippling the water… Met die tragiese gevolge wat daarop volg.
En toe kom Die Duiwel en Van Hunks so tong in die kies aan die woord / sing – tot groot vermaak van almal in die gehoor.
Die Musical word afgesluit met die temalied: There is always a dream dreaming us. En almal is skielik spyt dat die aand verby is . . .
Nasionale Landsdiensjeugberaad - 17 Oktober 2008
Die Landsdiensbeweging het saam met 46 Hoërskool afgevaardiges van oor die land vanaf 28 September 2008 tot 1 Oktober 2008 op die plaas Kopbeenskloof tussen De Doorns en Montagu saamgetrek om oor die toekoms van die Landsdiensbeweging te besin. Elzanne van Aardt en Cobus Greeff van Hoërskool Burgersdorp was 2 van die 6 afgevaardiges wat gekies is uit die Oos Kaap om dit by te woon.
Die Landsdiensbeweging is ‘n jeugbeweging wat daarna streef om die jeug vaardig te maak in die hantering en bewaring van die omgewing en is toeganklik vir almal. Die beweging stimuleer geestlike verryking, vaardigheidsontwikkeling en entrepreneurskap. Baie selfvertroue word gekweek en en dit bevorder ook menseverhoudinge en verdraagsaamheid. Tydens die beraad is daar gekyk of die Landsdiensbeweging nog aan almal se behoeftes voldoen en tred hou met veranderinge. Daar is baie positiewe insette gelewer deur die jeug en die afgevaardiges moes ook hul menings lig oor toekennings, kampe, tradisies en waarheen hulle oppad is. Die Landsdiensbeweging hou in 2014 hul eufeesviering en hulle het sommer tydens die beraad al begin met die beplanning daarvan.
Tydens die Jeugberaad is daar ook vier Nasionale Jeugleiers gekies om die jeug te verteenwoordig op Nasionale vlak. Geluk aan Elzanne van Aardt van Hoërskool Burgersdorp wat verkies is saam met Gina Troskie van Hoër Volkskool Graaff Reinet, Phil du Toit van Wes Kaap en Nicus Boshoff van Mpumalanga.
(foto volg)
V.l.n.r: Wouter Stemmet (Organiseerder van Jeugberaad & voorsitter v. eeufees komitee), Gina Troskie, Elzanne v Aardt, Phil du Toit, Nicus Boshoff & Francois Vosloo (Nasionale Leier van die Landsdiensbeweging)
Rugbyspelers vir OP Plattelandse Akademie Span - 23 May 2008
Drie van Hoërskool Burgersdorp se rugbyspelers is gekies vir die OP Plattelandse Akademie Span. Baie geluk aan Jaco Basson, Tjaart Coetsee en Tosias van Zyl. (Foto)
ATKV REDENAARS - 16 Mei 2008
Vrydag 16 Mei was dit weer sulke tyd : ATKV Redenaars-Uitdunronde in Oos-Londen. Die senuwees het maar lekker geknaag, maar gelukkig is ons al gewoond daaraan – dit is alles deel van die pakket! En toe doen hulle dit weer! Twee Blikkies dring deur na die Halfeindronde op 20 Junie te Port Elizabeth. Baie geluk aan Marli Maritz (links op foto) en Cordi Lourens. Ons is sommer baie trots op julle. Julle was voorwaar die meestes van die oomblik, ook met die onvoorbereide toesprake!
Aan ons Hemelse Vader wat vir ons die vermoë gegee het om te redeneer, BAIE DANKIE! Ons doen dit graag tot eer en verheerliking van Sy naam.
VANUIT DIE SKOOLHOOF SE KANTOOR - 7 Mei 2008
Op Woensdag 7 Mei 2008 het ‘n oudskolier, mnr H M (Harry) van der Walt, ons skool besoek.
Oom Harry was 51 jaar terug in Matriek te BHS. Hy was baie trots om te sien dat die rugby-skild in ons voorportaal staan en het met trots uitgewys dat sy naam ook op dié skild pryk. Hy was kaptein gedurende 1957!
Oom Harry is woonagtig te Brakpan en is ‘n kranige fietsryer. Toe hy ons besoek het, was hy juis oppad Oos-Londen toe om aan ‘n fietswedren deel te neem.
Dit was vir hom ‘n eer om saam met die huidige kaptein, Tosias van Zyl en onderkaptein, Jaco Basson, vir ‘n foto te poseer. En vir BHS is dit ‘n eer om te weet dat oudskoliere na 51 jaar nog steeds hul alma mater onthou en mooi herinneringe met hul saamdra.
BHS NETBAL - 25 April 2008 (Burgersdorp High School)
Die tweede kwartaal het afgeskop met Dorpsproewe op 14 April. Daar is ‘n 0/15, 0/16, 0/17 en 0/19-span gekies wat op Woensdag 16 April aan die Gariepproewe deelgeneem het. Verskeie van ons leerders is hier gekies om aan die Ukhahlamba-proewe deel te neem. Wanneer hierdie proewe gaan plaasvind wonder ons, want ons wag vir die Onderwysdepartement om ons in te lig oor die datum.
Die 0/15 en 0/17 Oos-Kaapproewe vind op 7/8 Junie in Oos-Londen plaas. Die Oos-Kaapspanne gaan 7/8 Julie aan die All Ages Toernooi in Durban deelneem.
Die 0/26 Cycads span gaan 4/5 Julie aan ‘n sateliet-toernooi in Kimberley deelneem en die 0/19 Cycads span gaan vanaf 6 – 12 Julie aan die nasionale toernooi in Oos-Londen deelneem. Voorlopig vind die 0/16 en 0/19-proewe op 17 Mei in Cradock plaas.
Saterdag, 19 April het Burgersdorp afgeskop met ‘n wedstryd teen Stutterheim. Dit was ‘n baie goeie begin vir die netbalseisoen. Die 0/14-span wen 36 – 9 en die 0/16-span 27 – 5. Vir die begin van die seisoen het beide spanne goeie netbal gespeel. Die Eerste span het ‘n “walk-over” gehad! Hulle wen 53 – 5! An-mari Putter het Vrydag aan ASA se atletiekbyeenkoms in Pretoria deelgeneem en letterlik deur die nag gery om Saterdag netbal te speel. Dit het eerder gelyk of haar opponent deur die nag gery het, want teen halftyd het An-mari haar kis gespeel en het dit gelyk of sy nie ‘n opponent het nie. Dankie An-mari!
Sarita Smit is as die speelster van die wedstryd aangewys.
Yet so near and yet so far!
Vrydag 25 April het ons weer ons jaarlikse kragmeting teen Cradock gehad. Daar was veral opgewondenheid by die Eerste Netbal en ons het uitgesien na die wedstryd. Alhoewel die spanne baie goed gespeel het, was Cradock weereens net daai ietsie beter as ons. Ons verloor 21 – 26. Nelisiwe Moleka is as speelster van die wedstryd aangewys. Die ander spanne het baie goed gevaar en ons wen al die ander wedstryde. Ons vertrou daar lê ‘n goeie seisoen vir die netbal voor.
GEELBLADSYE SA JEUG EN JUNIOR KAMPIOENSKAPPE
Die Junior Atletiekkampioenskappe is vanaf 18 tot 19 April 2008 aangebied. Dit was ‘n prestige geleentheid wat voldoen het aan alle vereistes soos voorgeskryf deur Atletiek Suid-Afrika (ASA).
Altesaam 1088 atlete het by die LC de Villiers Stadion van Universiteit Pretoria deelgeneem. Atlete wat aan Junior Kampioenskappe deelneem, sluit atlete uit skole sowel as Junior atlete (0/19-atlete) van Universiteite oor die hele land in!
Wonderlik dan dat 5 van dié 1088 atlete uit Burgersdorp afkomstig was. Hulle is An-Mari Putter, Dreyer Goosen, Neels van Huyssteen, Jason de Lora en Lena-Lisa Retief.
Al Burgersdorp se atlete het presteer deurdat hulle daarin geslaag het om hul persoonlike beste tye te hardloop. Om op so ‘n groot byeenkoms teen top-atlete van die land te kompeteer is alreeds ‘n geweldige eer! Baie geluk aan almal!
An-Mari Putter was die enigste atleet wat in die finale deelgeneem het. Sy slaag daarin om ‘n 7de plek te behaal in die 100mH finale. Baie geluk, ons is trots op jou!
NETBAL VAL CHEETAHLAND BINNE!!
Op 1 Maart het die Eerste Netbalspan aan Fichardtpark se jaarlikse sportdag gaan deelneem.
Wat ‘n belewenis! Daar was tennis, skaak, golf, sokker, hokkie, rugby en netbal. ‘n Hele 55 skole en 5 000 leerders was betrokke.
Daar is op 9 netbalbane 24 rondtes gespeel, dus 216 wedstryde! Logies kon ons nie teen die topskole in die Vrystaat meeding nie. Ons het teen Brandfort 11 – 7 gewen, teen Voortrekkers B 13 – 8. Teen Noord-Kaap B was die bal moedswillig en wou nie deur die ring gaan nie en speel ons gelykop 10 elk.
Dit was beslis die moeite werd om te gaan, goeie opwarming vir die seisoen en lekker om deel te wees van so ‘n puik georganiseerde sportdag.
Ons het darem nie net netbal gespeel nie. So op skrikkeljaardag het ons ook ‘geshop’, gefliek, roltrap gery en gees gevang.
‘n Spesiale dankie aan tannie Esther Goosen wat ons geneem het, aangesien ons skoolbus nou ‘n taxi is!
RUGBY VS MACLEAR
Die eerste rugbyspan speel op Saterdag 1 Maart teen Maclear se eerste span en die telling is 18 – 8 in Burgersdorp se guns. Twee drieë word gedruk deur Arno van Damme en Tosias van Zyl. Ian Greyvenstein verdoel een drie en skop 2 strafdoele oor. Vir ‘n eerste wedstryd in die seisoen het dit goed gegaan gedurende die eerste helfte. In die tweede helfte het ‘n gebrek aan fiksheid en hanteerfoute ons kanse om drieë te druk benadeel. Die beste voorspeler is Arno van Damme en die beste agterspeler Ian Greyvenstein.
Die tweede span speel dieselfde dag ook op Maclear teen Dordrecht se eerste span. Na ‘n baie goeie begin met ‘n drie in die eerste minuut het dinge begin uitrafel. Die totaal onbekwame skeidsregter het sake nie verbeter nie en ons moes terugveg om die wedstryd 12 – 12 gelykop te maak. Drieë : Shami Eksteen (2). Doelskop : Shami Eksteen (1).
TENNIS IN BHS KOOK!!
Die skool se tennis sluit vir die jaar op ‘n goeie noot af met die bywoning van Fichardpark se sportdag in Bloemfontein waar 14 skole teenwoordig was. BHS se tennisspelers het uitstekend gevaar! Die eerste vier seuns en 4 meisies het die mense gewys wat ‘n ware Blikkie is.
In die B-liga het die seuns die finaal gehaal en hul teenstanders was Diamantveld (B-span).
Hulle het goed gevaar, maar ongelukkig die finaal verloor. Dit is nog steeds puik en ons is trots op julle! Die meisies het derde geëindig en die finaal met slegs 1 punt verloor. Volgende jaar gaan hulle terug en dan is die finaal Blikkies s’n!!
Baie dankie aan ‘n wonderlike Blikkies span en dankie ook aan juffrou Melani en oom Pierre de Klerk wat die spelers Bloemfontein toe geneem het. Die dag was ‘n BELEWENIS!
Foto :
Agter : Abé de Vries, Adriaan Oosthuizen, Dreyer Goosen & Cobus Greeff.
Voor: Lizé Smit, Danné van den Berg, Lena-Lisa Retief en Elzanne van Aardt.
On the Side
Links
Contact
(079)892-8188
(072)806-1748
News@
Burgersdorp.ZA.NET
Copyright
NO Permission to copy
Anything!